അതിവേഗത്തിൽ മുന്നോട്ടു പോകുന്ന ഖത്തറിലെ കൊവിഡ് വാക്സിനേഷൻ ക്യാമ്പെയ്ൻ ഇന്ന് 2 ദശലക്ഷം വാക്സിൻ ഡോസുകൾ നൽകുകയെന്ന നാഴികക്കല്ല് പിന്നിട്ടേക്കും. നാഷണൽ കോവിഡ് വാക്സിനേഷൻ പ്രോഗ്രാമിന് കീഴിൽ ഇതുവരെ 1,976,748 കോവിഡ് വാക്സിൻ ഡോസുകളാണ് നൽകിയത്.
കഴിഞ്ഞ അഞ്ച് ദിവസങ്ങളിലായി രാജ്യത്ത് ഓരോ ദിവസവും 30,000ത്തിലധികം വാക്സിൻ ഡോസുകൾ നൽകിയിട്ടുണ്ടെന്ന കണക്കുകളാണ് ഖത്തർ ഇന്ന് 2 ദശലക്ഷം വാക്സിൻ ഡോസുകൾ നൽകുന്നത് മറികടക്കാൻ പോകുന്നുവെന്ന് വ്യക്തമാക്കുന്നത്.
മന്ത്രാലയം ഇന്നലെ പുറത്തുവിട്ട കണക്കുകൾ പ്രകാരം 24 മണിക്കൂറിനുള്ളിൽ 32,120 കോവിഡ് വാക്സിൻ ഡോസുകൾ നൽകി. നിലവിൽ, രാജ്യത്തെ യോഗ്യരായ ജനസംഖ്യയുടെ 51.5% പേർക്കും കുറഞ്ഞത് ഒരു ഡോസ് വാക്സിൻ ലഭിച്ചിട്ടുണ്ട്.
60 വയസ്സിനു മുകളിലുള്ളവരിൽ 88.3% പേർക്ക് (ഏറ്റവും ദുർബലരായ ജനസംഖ്യാ വിഭാഗം) കുറഞ്ഞത് ഒരു ഡോസെങ്കിലും വാക്സിനേഷൻ നൽകിയിട്ടുണ്ട്. 82.3% പേർക്ക് രണ്ട് ഡോസുകളും ലഭിച്ചു.
The inclusion of people aged 30 and above in national vaccination program will further increase number of vaccinated people in the country giving mass protection to society.#Qatar #Covid19 #Vaccine https://t.co/926zWSHMNy
— The Peninsula Qatar (@PeninsulaQatar) May 15, 2021