റമദാനു മുന്നോടിയായി എംഎംഇ ശുചീകരണ പ്രവർത്തനങ്ങൾ വിപുലീകരിച്ചു
റമദാനു മുന്നോടിയായി ശുചിത്വ തൊഴിലാളികൾ, മാലിന്യ ട്രക്കുകൾ, മാലിന്യ പാത്രങ്ങൾ എന്നിവ വർദ്ധിപ്പിച്ച് രാജ്യത്തൊട്ടാകെയുള്ള മാലിന്യങ്ങൾ നീക്കം ചെയ്യുന്നതിനും വൃത്തിയാക്കുന്നതിനുമുള്ള തയ്യാറെടുപ്പുകൾ മുനിസിപ്പാലിറ്റി പരിസ്ഥിതി മന്ത്രാലയത്തിന്റെ (എംഎംഇ) പൊതു ശുചിത്വ വകുപ്പ് പ്രഖ്യാപിച്ചു.
പല പൗരന്മാരും താമസക്കാരും വീട്ടുപകരണങ്ങൾ പുതുക്കിയതു മൂലം ജൈവ, ഖരമാലിന്യങ്ങൾ ഉൾപ്പെടെയുള്ളവയിൽ ഗണ്യമായ വർദ്ധനവ് രേഖപ്പെടുത്തിയിട്ടുണ്ട്. 1,482 തൊഴിലാളികളും 659 ഡ്രൈവർമാരും 1,112 മാലിന്യ ട്രക്കുകളും 158 മോണിറ്ററുകളും ഈ ശ്രമങ്ങളിൽ പങ്കെടുക്കുന്നു. കൂടാതെ എംഎംഇ 75,615 മാലിന്യ പാത്രങ്ങൾ രാജ്യത്തുടനീളം വിതരണം ചെയ്തിട്ടുമുണ്ട്.
ഗാർഹിക മാലിന്യങ്ങൾ നിയുക്ത ബാഗുകളിൽ ശേഖരിച്ച് പ്രവർത്തനം സുഗമമാക്കാൻ സഹായിക്കണമെന്ന് പൊതു ശുചിത്വ വകുപ്പ് പൊതുജനങ്ങളോട് അഭ്യർത്ഥിച്ചു. ശേഖരണ പ്രക്രിയയെ തടസ്സപ്പെടുത്തുന്ന തരത്തിൽ മാലിന്യ പാത്രങ്ങൾക്ക് സമീപം വാഹനങ്ങൾ പാർക്ക് ചെയ്യരുതെന്നും ഇവർ ആളുകളെ ഉപദേശിച്ചു.
The General Cleanliness Department urged the public to collect household waste in designated bags and dispose of them correctly to ease collection and avoid littering. #Qatar #Ramadan #Cleaning https://t.co/rXw1VFMWJS
— The Peninsula Qatar (@PeninsulaQatar) April 11, 2021