359 ശുചിത്വ സംബന്ധമായ നിയമലംഘനങ്ങൾ കഴിഞ്ഞ മാസം കണ്ടെത്തി
2021 മാർച്ചിൽ 359 പൊതു ശുചിത്വ നിയമലംഘനങ്ങൾ മുനിസിപ്പാലിറ്റി, പരിസ്ഥിതി മന്ത്രാലയത്തിന്റെ (എംഎംഇ) പൊതു ശുചിത്വ വകുപ്പ് രേഖപ്പെടുത്തി. 93,652 ടൺ ഗാർഹിക മാലിന്യങ്ങളും 36,209 ടൺ മറ്റു മാലിന്യങ്ങളും ഈ മാസം നീക്കം ചെയ്തു.
ഇക്കാലയളവിൽ 8,049 ടയർ മാലിന്യങ്ങൾ, കേടായ 64 സൈൻബോർഡുകൾ, 474 മൃഗങ്ങളുടെ അവശിഷ്ടങ്ങൾ എന്നിവയും നീക്കം ചെയ്തു. മാർച്ചിൽ ഉപേക്ഷിച്ച രീതിയിൽ കണ്ടെത്തിയ 716 വാഹനങ്ങളും വകുപ്പ് നീക്കിയിട്ടുണ്ട്.
മാലിന്യങ്ങൾ ശേഖരിക്കുന്നതിനായി മൊത്തം 578 പുതിയ കണ്ടെയ്നറുകൾ നൽകി. മാലിന്യ നിക്ഷേപം നടത്തുന്നതിന് വകുപ്പ് 331 കരാറുകൾ ഉണ്ടാക്കിയതിനു പുറമേ 18,100 മാലിന്യം നിക്ഷേപിക്കാനുള്ള പാത്രങ്ങൾ കഴുകുകയും ചെയ്തു. വിവിധ സേവനങ്ങൾ ആവശ്യപ്പെട്ട് 2,015 അഭ്യർത്ഥനകളും കഴിഞ്ഞ മാസം വകുപ്പ് കൈകാര്യം ചെയ്തു.
വിശുദ്ധ മാസത്തിൽ ശുചിത്വം പാലിക്കുന്നതിനായി പൊതു ശുചിത്വ വകുപ്പ് ശുചീകരണ പ്രവർത്തനം ശക്തമാക്കി. എല്ലാ മുനിസിപ്പാലിറ്റികളിൽ നിന്നുമുള്ള മാലിന്യങ്ങൾ വൃത്തിയാക്കാൻ 1,482 ക്ലീനർമാർ, 659 ഡ്രൈവർമാർ, 1,112 മെഷീനുകൾ, 158 സൂപ്പർവൈസർമാർ എന്നിവർ പണിയെടുക്കുന്നു. രാജ്യത്തുടനീളം സ്ഥാപിച്ചിരിക്കുന്ന 75,615 മാലിന്യ പാത്രങ്ങളാണ് വകുപ്പ് കൈകാര്യം ചെയ്യുന്നത്.
നിയുക്ത കണ്ടെയ്നറുകളിൽ മാലിന്യങ്ങൾ വലിച്ചെറിയണമെന്നും മാലിന്യങ്ങൾ എടുക്കാൻ വരുന്ന പിക്കപ്പ് ട്രക്കുകളുടെ സമയത്തിന് മുമ്പായി വീട്ടു മാലിന്യങ്ങൾ പുറത്തെടുക്കണമെന്നും ജനറൽ ക്ലീൻനെസ് വകുപ്പ് ആളുകളോട് ആവശ്യപ്പെട്ടു.
The department removed 93,652 tonnes of household wastes and 36,209 tonnes of wastes thrown at random during the month.#Qatar #PublicHygiene https://t.co/BuZaqv5GIN
— The Peninsula Qatar (@PeninsulaQatar) April 24, 2021