ഖത്തറി പച്ചക്കറികളുടെ വിൽപ്പനയിൽ വൻ വർധനവ്
മുൻവർഷങ്ങളെ അപേക്ഷിച്ച് 2020ൽ പ്രീമിയം ഖത്തറി വെജിറ്റബിൾസ്, ഖത്തർ ഫാംസ് പ്രോഗ്രാമുകൾ ഗണ്യമായ വിൽപ്പന കൈവരിച്ചു. പ്രീമിയം വെജിറ്റബിൾസിന്റെ വിൽപ്പന 2019ലെ 2,740 ടണ്ണുമായി താരതമ്യം ചെയ്യുമ്പോൾ 2020ൽ 4,565 ടണ്ണിലെത്തി. 66 ശതമാനം വർദ്ധനവാണ് ഇതിലുണ്ടായിരിക്കുന്നത്.
അതേ സമയം ഖത്തർ ഫാംസ് പ്രോഗ്രാമിൽ നിന്നുള്ള വിൽപ്പന 2020ലെ സീസണിൽ 19,000 ടണ്ണായിരുന്നു. 2019ലെ 11,506 ടണ്ണിൽ നിന്ന് 64 ശതമാനം വർധനവാണ് ഇക്കാര്യത്തിൽ ഉണ്ടായിരിക്കുന്നത്.
പ്രാദേശിക വിപണന പ്രവർത്തനങ്ങൾ മെച്ചപ്പെടുത്തുന്നതിനും കർഷകന്റെ ഉൽ‌പാദനത്തെ കർഷക വിപണിയെ സഹായിക്കുന്നതിനുമായി വാണിജ്യ വ്യവസായ മന്ത്രാലയത്തിന്റെ സഹകരണത്തോടെയാണ് മുനിസിപ്പാലിറ്റി, പരിസ്ഥിതി മന്ത്രാലയം ഈ പരിപാടികൾ ആരംഭിച്ചത്. ഇതു ഖത്തറി കർഷകർക്ക് അവരുടെ പ്രാദേശിക ഉത്പാദനം ഉയർന്ന തോതിൽ പ്രദർശിപ്പിക്കാൻ അവസരമൊരുക്കി.
അൽ മീര ഉപഭോഗ സമുച്ചയങ്ങളിൽ മാത്രം 16 ഫാമുകൾ പങ്കെടുത്ത് 2017 ജനുവരിയിൽ പ്രീമിയം ഖത്തറി വെജിറ്റബിൾ പ്രോഗ്രാം ആരംഭിച്ചു. പരിപാടിയുടെ വിജയത്തിന്റെ ഫലമായി, 2017 ഡിസംബറിൽ മറ്റ് ഉപഭോക്തൃ മാളുകളിൽ ഇത് ആരംഭിക്കുകയും പങ്കെടുത്ത ഫാമുകളുടെ എണ്ണം 150ൽ എത്തുകയും ചെയ്തു.
Significant increase in sales of Qatari vegetables in 2020#Qatar https://t.co/YtA6GLAhJ4
— The Peninsula Qatar (@PeninsulaQatar) February 16, 2021
