കൊവിഡ് വാക്സിൻ സ്വീകരിക്കാൻ ആഗ്രഹമുള്ളവർക്കു രജിസ്റ്റർ ചെയ്യുന്നതിനായി പുതിയ വെബ്സൈറ്റ് രജിസ്ട്രേഷൻ പ്രക്രിയ ആരംഭിക്കുന്നതായി പൊതുജനാരോഗ്യ മന്ത്രാലയം അറിയിച്ചു. പുതിയ ഓൺലൈൻ രജിസ്ട്രേഷൻ ഫോം ഇന്നലെ (2021 ജനുവരി 17) ഞായറാഴ്ച മുതൽ ലഭ്യമായിട്ടുണ്ട്.
ഇതുവഴി മുൻഗണനാ ഗ്രൂപ്പിൽ ഉൾപ്പെട്ട ആളുകൾക്ക് വാക്സിൻ സ്വീകരിക്കുന്നതിന് കൂടിക്കാഴ്ചക്കായി അഭ്യർത്ഥിക്കാനും നിലവിൽ ലിസ്റ്റുചെയ്തിരിക്കുന്ന മുൻഗണനാ വിഭാഗങ്ങളിൽപ്പെടാത്ത ആളുകൾക്ക് വാക്സിൻ സ്വീകരിക്കാനുള്ള ആഗ്രഹം രജിസ്റ്റർ ചെയ്യാനും കഴിയും.
അപേക്ഷിച്ചവരുടെ വിശദാംശങ്ങൾ ആരോഗ്യ മന്ത്രാലയം സംരക്ഷിക്കുകയും ഭാവിയിൽ വാക്സിനേഷൻ നടത്തുന്നതിന് അറിയിപ്പ് അയയ്ക്കുകയും ചെയ്യും.
രജിസ്ട്രേഷൻ ഇനിപ്പറയുന്ന ലിങ്കിൽ ലഭ്യമാണ്: https://app-covid19.moph.gov.qa/en/instructions.html
ഈ സേവനം ഉപയോഗിക്കുന്നതിന്, നിങ്ങളുടെ നാഷണൽ ഓതന്റിക്കേഷൻ സിസ്റ്റം (NAS) TAWTHEEQ യൂസർനേമും പാസ്വേഡും ഉപയോഗിച്ച് ലോഗിൻ ചെയ്യേണ്ടതുണ്ട്.
നിങ്ങൾക്ക് ഒരു NAS അക്കൗണ്ട് ഇല്ലെങ്കിൽ, ഇനിപ്പറയുന്ന ലിങ്കിൽ അതുണ്ടാക്കാവുന്നതാണ്: https://www.nas.gov.qa
നിങ്ങളുടെ NAS അകക്കൗണ്ട് ക്രെഡൻഷ്യലുകൾ നിങ്ങൾ മറന്നെങ്കിൽ, നിങ്ങളുടെ പാസ്വേഡ് ഈ ലിങ്ക് വഴി വീണ്ടെടുക്കാൻ കഴിയും: https://www.nas.gov.qa/self-service/reset/personal?lang=en
27 ആരോഗ്യ കേന്ദ്രങ്ങളിൽ 60 വയസും അതിൽ കൂടുതലുമുള്ളവർക്കും വിട്ടുമാറാത്ത രോഗങ്ങളുള്ളവർക്കുമാണ് മുൻഗണന ക്രമത്തിൽ വാക്സിനേഷൻ നൽകുന്നത്.
Qatar launches online registration for Covid-19 vaccination#Qatar #Covid19 https://t.co/8g4Q0uC7Tp
— The Peninsula Qatar (@PeninsulaQatar) January 17, 2021