ഉംറ കഴിഞ്ഞ് ഖത്തറിലേക്കു മടങ്ങുന്നവർ ശ്രദ്ധിക്കേണ്ട കാര്യങ്ങൾ

ഉംറ കഴിഞ്ഞു മടങ്ങിയെത്തുന്ന സാധുവായ പി‌സി‌ആർ ടെസ്റ്റ് സർ‌ട്ടിഫിക്കറ്റ് നൽകാൻ‌ കഴിയാത്ത പൗരന്മാരെയും താമസക്കാരെയും വിമാനങ്ങളിൽ‌ കയറാൻ‌ അനുവദിക്കുമെങ്കിലും അവർ‌ ഹമദ്‌ അന്താരാഷ്ട്ര വിമാനത്താവളത്തിലോ അബു സമ്രയിലോ പി‌സി‌ആർ‌ പരിശോധനയ്‌ക്ക് വിധേയമാകണമെന്ന് പൊതുജനാരോഗ്യ മന്ത്രാലയം അവരുടെ വെബ്‌സൈറ്റിൽ വ്യക്തമാക്കി.

വാക്സിനേഷൻ നടത്തിയ വ്യക്തികൾക്ക് മാത്രമേ ഉംറ നിർവഹിക്കാനും മക്ക സന്ദർശിക്കാനും കഴിയൂ എന്ന സൗദി അറേബ്യൻ നിയമങ്ങൾ പാലിച്ച് എല്ലാ തീർത്ഥാടകരും വാക്സിനേഷൻ സ്വീകരിക്കണം. ഉംറയിലേക്ക് യാത്ര ചെയ്യാൻ ആഗ്രഹിക്കുന്ന വ്യക്തികൾ എൻ‌ഡോവ്‌മെൻറ്, ഇസ്ലാമിക് അഫയേഴ്സ് മന്ത്രാലയം പ്രഖ്യാപിച്ച നയവും നടപടിക്രമങ്ങളും വിലയിരുത്തേണ്ടതാണ്.

https://twitter.com/PeninsulaQatar/status/1396059996111187970?s=19