സാമൂഹ്യ മാധ്യമങ്ങൾ ഉപയോഗിക്കുന്നവർക്കു മുന്നറിയിപ്പു നൽകി ഖത്തർ ആഭ്യന്തരമന്ത്രാലയം
“ഗോത്രവർഗ കലഹങ്ങൾ ഇളക്കിവിടുന്നതിനും” സോഷ്യൽ മീഡിയയിൽ “വംശീയ പദാവലി” പതിവായി ഉപയോഗിക്കുന്നതിനും ഖത്തർ ആഭ്യന്തര മന്ത്രാലയം നിരവധി പേരെ പബ്ലിക് പ്രോസിക്യൂഷന് അയച്ചു. അവരുടെ സോഷ്യൽ മീഡിയ പ്രവർത്തനങ്ങൾ നിരീക്ഷിച്ചതിന് ശേഷം അധികാരികൾ നടപടി സ്വീകരിക്കും.
നിയമത്തിലെ വ്യവസ്ഥകൾ അനുസരിച്ചാണ് വ്യക്തികൾക്കെതിരായ നടപടിയെന്ന് മന്ത്രാലയം അറിയിച്ചു. ഖത്തറി സമൂഹത്തിന്റെ ഐക്യത്തിനും പരസ്പര ആശ്രയത്വത്തിനും എതിരെ നിൽക്കുകയും അതിന്റെ സുരക്ഷ, സ്ഥിരത, സാമൂഹിക സമാധാനം എന്നിവയ്ക്ക് ഭീഷണിയാകുകയും ചെയ്യുന്ന ഏതൊരാൾക്കെതിരെയും എല്ലാ നിയമനടപടികളും സ്വീകരിക്കുമെന്ന് ആഭ്യന്തര മന്ത്രാലയം സ്ഥിരീകരിച്ചു.
— Qatar Tribune (@Qatar_Tribune) November 13, 2020
ഖത്തറിലെ സോഷ്യൽ മീഡിയ പ്ലാറ്റ്ഫോമുകളുടെ ഉപയോക്താക്കളോട് രാജ്യത്തെ നിയമങ്ങൾ പാലിക്കണമെന്നും സമൂഹത്തിലെ ഏതെങ്കിലും സമുദായത്തെ ഗോത്രത്തിന്റെയോ വംശീയതയുടെയോ അടിസ്ഥാനത്തിൽ അധിക്ഷേപിക്കരുതെന്നും മന്ത്രാലയം ആവശ്യപ്പെട്ടു. ഖത്തറി സമൂഹത്തിന്റെ ഐക്യവും സുസ്ഥിരതയും എല്ലാവരുടെയും ഉത്തരവാദിത്തമാണെന്ന് മന്ത്രാലയം പൊതുജനങ്ങളെ ഓർമ്മിപ്പിച്ചു.