കോൺടാക്റ്റ്ലെസ് സെൽഫ് ചെക്ക്-ഇൻ, ബാഗേജ് ഡ്രോപ്പ് എന്നിവയ്ക്കായി ഹമദ് എയർപോർട്ടിൽ പുതിയ സംവിധാനം
കോൺടാക്റ്റ്ലെസ് സെൽഫ് ചെക്ക്-ഇൻ, ബാഗേജ് ഡ്രോപ്പ് എന്നിവയ്ക്കായി ഹമദ് ഇന്റർനാഷണൽ എയർപോർട്ട് (എച്ച്ഐഎ) ട്രയൽ ഫേസ് ടെസ്റ്റിംഗ് ഹാപ്പിഹോവർ, സിറ്റാ മൊബൈൽ സൊല്യൂഷൻ സാങ്കേതികവിദ്യ എന്നിവ ആരംഭിച്ചു. ഈ നൂതന സ്മാർട്ട് സൊല്യൂഷനുകൾ കൊവിഡിൽ നിന്നും ജീവനക്കാരെയും യാത്രക്കാരെയും സംരക്ഷിക്കുന്നതിനുള്ള എച്ച്ഐഎയുടെ നിരന്തരമായ ശ്രമങ്ങളുടെ ഭാഗമാണ്.
സ്ക്രീനിൽ തൊടാതെ തന്നെ അൾട്രാവയലറ്റ് രശ്മികൾ ഉപയോഗിച്ച് വിരലുകളെ തിരിച്ചറിയാൻ പുതിയ സംവിധാനത്തിനു കഴിയുന്നതിനാൽ യാത്രക്കാർക്ക് പ്രതലങ്ങളിൽ സ്പർശിക്കേണ്ടതിന്റെ ആവശ്യകത ഇല്ലാതാക്കുന്നു.
#HamadInternationalAirport tests contactless #technology for self check-in and baggage drop#Qatar #HIAhttps://t.co/eXTD8yve9G
— The Peninsula Qatar (@PeninsulaQatar) September 29, 2020
കൂടാതെ, സിറ്റാ കോൺടാക്റ്റ്ലെസ് കിയോസ്ക് സൊല്യൂഷൻ ഉപയോഗിച്ച് കിയോസ്ക് സ്ക്രീൻ നിയന്ത്രിക്കുന്നതിന് യാത്രക്കാർക്ക് അവരുടെ മൊബൈൽ ഫോണുകൾ ഉപയോഗിക്കാനും കഴിയും. നിരവധി അന്താരാഷ്ട്ര പുരസ്കാരങ്ങൾ നേടിയ ഹമദ് എയർപോർട്ടിന്റെ ഖ്യാതി വീണ്ടും ഉയർത്തുന്നതാണ് പുതിയ സംവിധാനങ്ങൾ.