പുണ്യ റമദാൻ മാസത്തിൽ ഉപവസിക്കുന്ന ഗർഭിണികളും മുലയൂട്ടുന്ന സ്ത്രീകളും ആവശ്യമായ മുൻകരുതലുകൾ എടുക്കണമെന്ന് ഹമദ് മെഡിക്കൽ കോർപ്പറേഷനിലെ വിദഗ്ദ്ധർ നിർദ്ദേശിച്ചു. പ്രമേഹം, ഉയർന്ന രക്തസമ്മർദ്ദം, വിളർച്ച തുടങ്ങിയവയുള്ള ഗർഭാവസ്ഥയിലുള്ള സ്ത്രീകൾ വിശുദ്ധ റമദാൻ മാസത്തിൽ ഉപവാസം ഒഴിവാക്കാനും എച്ച്എംസി നിർദ്ദേശിക്കുന്നു.
മുലയൂട്ടുന്ന സ്ത്രീകൾ ആരോഗ്യസംബന്ധമായ പരിശോധന നടത്തി ശാരീരികക്ഷമത ഉറപ്പുവരുത്താനും ഉപവാസം ഏറ്റെടുക്കുന്നതിന് മുമ്പ് അവരുടെ കുഞ്ഞിൻറെ ക്ഷേമം ഉറപ്പുവരുത്തുന്നതിനും എച്ച്എംസി നിർദ്ദേശിക്കുന്നു. മോശം ആരോഗ്യാവസ്ഥയിലുള്ള ഗർഭിണികൾ തങ്ങളേയും അവരുടെ പിഞ്ചു കുഞ്ഞുങ്ങളേയും അനാവശ്യമായ സങ്കീർണതകളിൽ നിന്ന് സംരക്ഷിക്കുന്നതിനായി ഉപവാസം ഒഴിവാക്കണം.
ഉപവാസം മൂലം റമദാൻ മാസത്തിൽ ആശുപത്രി സന്ദർശിക്കുന്ന ഗർഭിണികളുടെ എണ്ണത്തിൽ വർധനവുണ്ടാകാറുണ്ട്. റമദാൻ മാസത്തിൽ അമ്മമാർ ഉപവസിച്ചാൽ കുഞ്ഞുങ്ങൾ നേരത്തെ ജനിക്കുമെന്ന് ചില പഠനങ്ങൾ സൂചിപ്പിക്കുന്നു. റമദാൻ വേനൽക്കാലത്താണെങ്കിൽ, ഗർഭിണികളിൽ നിർജ്ജലീകരണ സാധ്യതയുണ്ടാവുകയും ഇത് അകാല പ്രസവം, മാസം തികയാതെയുള്ള ജനനം എന്നിവയിലേക്കും നയിക്കുകയും ചെയ്യുമെന്ന് ഡോ. എൽ താഹെർ പറഞ്ഞു.
വേണ്ടത്ര ആഹാരം കഴിക്കുന്നില്ലെങ്കിലോ ശരീരഭാരം കുറയുകയാണെങ്കിലോ ഉപവസിക്കുന്ന ഗർഭിണികൾ എത്രയും വേഗം ഡോക്ടറെ ബന്ധപ്പെടണമെന്ന് അവർ നിർദ്ദേശിച്ചു. വളരെ ദാഹിക്കുക, ഇടയ്ക്കിടെ മൂത്രമൊഴിക്കുക അല്ലെങ്കിൽ മൂത്രം ഇരുണ്ട നിറമുള്ളതും ശക്തമായ ഗന്ധമുള്ളതുമായി മാറുകയാണെങ്കിൽ അതു നിർജ്ജലീകരണത്തിന്റെ ലക്ഷണമാണ്. അവ മൂത്രനാളിയിലെ അണുബാധകൾക്കും മറ്റ് സങ്കീർണതകൾക്കും കൂടുതൽ സാധ്യതയുള്ളതായി മാറുന്നതിനു പുറമേ തലവേദന, മറ്റ് വേദനകൾ പനി, ഓക്കാനം, ഛർദ്ദി എന്നിവക്കും കാരണമായേക്കാം.
കുഞ്ഞിന്റെ ചലനങ്ങളിൽ പ്രകടമായ മാറ്റമുണ്ടെങ്കിൽ (കുഞ്ഞ് ചുറ്റിക്കറങ്ങുകയോ അല്ലെങ്കിൽ കൂടുതൽ ചവിട്ടുകയോ ചെയ്യുന്നില്ലെങ്കിൽ) ഉടൻ തന്നെ ഡോക്ടറുമായി ബന്ധപ്പെടണമെന്ന് അവർ കൂട്ടിച്ചേർത്തു; സങ്കോചം പോലുള്ള വേദനകൾ അവർ ശ്രദ്ധിക്കണം – ഇത് അകാല പ്രസവത്തിന്റെ അടയാളമായിരിക്കാം. നല്ല വിശ്രമം കഴിഞ്ഞിട്ടും തലകറക്കം, ക്ഷീണം, ബലഹീനത എന്നിവയും ഇതുമൂലം തോന്നാം.
മുകളിൽ പറഞ്ഞ ഏതെങ്കിലും സംഭവിച്ചാൽ, സ്ത്രീകൾ ഉടനടി നോമ്പ് ലംഘിച്ച് ഉപ്പും പഞ്ചസാരയും അടങ്ങിയ വെള്ളം അല്ലെങ്കിൽ ഓറൽ റീഹൈഡ്രേഷൻ സൊലൂഷൻ കുടിക്കണമെന്നും ഉടൻ തന്നെ ഡോക്ടറുമായി ബന്ധപ്പെടണമെന്നും ഡോക്ടർ എൽ താഹർ കൂട്ടിച്ചേർത്തു.
Expert at Hamad Medical Corporation (HMC) have advised pregnant and breastfeeding women to take necessary precautions if fasting during the holy month of Ramadan.#Qatar #Ramadan #Healthcare #PregnantWomen https://t.co/CfIYRzSORd
— The Peninsula Qatar (@PeninsulaQatar) April 6, 2021
