പ്രാദേശിക ഉൽപന്നങ്ങൾക്കു കൂടുതൽ പ്രാധാന്യം നൽകുന്നതിനെ കുറിച്ചു വിശദീകരിച്ച് മുനിസിപ്പാലിറ്റി, പരിസ്ഥിതി മന്ത്രാലയം
മുനിസിപ്പാലിറ്റി, പരിസ്ഥിതി മന്ത്രാലയത്തിലെ കാർഷികകാര്യ വകുപ്പിന്റെ അസിസ്റ്റന്റ് ഡയറക്ടർ അഡെൽ അൽ കൽദി അൽ യാഫി കാർഷിക ഉടമകൾക്കുള്ള നിർദ്ദിഷ്ട പ്രോഗ്രാമുകളുടെയും സംരംഭങ്ങളുടെയും പാക്കേജിലൂടെ പ്രാദേശിക പച്ചക്കറികളുടെ വിലയെ പിന്തുണയ്ക്കുന്നതിൽ മന്ത്രാലയത്തിന്റെ പങ്ക് സ്ഥിരീകരിച്ചു.
കൃഷിസ്ഥലങ്ങൾക്ക് പ്രയോജനം ലഭിക്കുന്ന നിരവധി വിപണന സംരംഭങ്ങൾ മന്ത്രാലയം ആരംഭിച്ചതായി കാർഷിക കാര്യ വകുപ്പ് അസിസ്റ്റന്റ് ഡയറക്ടർ പത്രക്കുറിപ്പുകളിൽ പറഞ്ഞു. ഇതിന്റെ ഭാഗമായി രാജ്യത്തിന്റെ വിവിധ ഭാഗങ്ങളിൽ ഖത്തറി കാർഷിക ഉൽപന്ന യാർഡുകൾ പോലെ നേരിട്ടുള്ള അഞ്ചു വിപണന കേന്ദ്രങ്ങൾ തുറന്നിട്ടുണ്ട്.
ഇടനിലക്കാരോ കമ്മീഷനോ ഇല്ലാതെ കർഷകർക്ക് നേരിട്ട് ഉൽപ്പന്നങ്ങൾ വിൽക്കാൻ കർഷകർക്ക് അവസരം നൽകുകയെന്ന ലക്ഷ്യത്തോടെ 2012 മുതൽ അൽ മസ്രൂവ, അൽ ഖോർ, അൽ തഖിറ, അൽ വക്ര, അൽ ഷമൽ, അൽ ഷഹാനിയ എന്നിവിടങ്ങളിൽ ഈ വിപണന കേന്ദ്രങ്ങൾ പ്രവർത്തിക്കുന്നു.
മാർക്കറ്റിംഗ് രീതി മെച്ചപ്പെടുത്തുന്നതിനും പച്ചക്കറി നഷ്ടം കുറയ്ക്കുന്നതിനും ഉൽപാദന നിലവാരം ഉയർത്തുന്നതിനും ഉൽപ്പന്നങ്ങളുടെ വിലകൾ കുറയുന്നതിനും ഇത് കാരണമായി. ഈ സീസണിൽ ഈ സംരംഭത്തിന്റെ പ്രയോജനം ലഭിക്കുന്ന ഫാമുകളുടെ എണ്ണം ഏകദേശം 159 ആണെന്ന് അദ്ദേഹം കൂട്ടിച്ചേർത്തു.
2020 ഒക്ടോബർ അവസാനത്തോടെ ആരംഭിച്ച നിലവിലെ സീസണിന്റെ ആരംഭം മുതൽ 2021 ഫെബ്രുവരി അവസാനം വരെ പച്ചക്കറി വിൽപ്പന 8,000 ടണിൽ എത്തി. കഴിഞ്ഞ സീസണിലെ ഇതേ കാലയളവിനെ അപേക്ഷിച്ച് 34 ശതമാനം വർധനവാണു രേഖപ്പെടുത്തിയിരിക്കുന്നത്.
MME official affirms efforts to enhance value of local product#Qatar https://t.co/iImXVR3bUa
— The Peninsula Qatar (@PeninsulaQatar) March 13, 2021