സ്വന്തം കാറില്ലാത്തവർക്കും ലുസൈലിലെ ഡ്രൈവ്-ത്രൂ വാക്സിനേഷൻ സെന്ററിൽ നിന്നും കൊവിഡ് വാക്സിൻ എടുക്കാം
സ്വന്തം കാറില്ലാത്ത ആളുകൾക്ക് ലുസൈൽ കോവിഡ് ഡ്രൈവ്-ത്രൂ വാക്സിനേഷൻ സെന്ററിൽ ടാക്സിയിൽ രണ്ടാമത്തെ ഡോസ് വാക്സിനേഷൻ എടുക്കാമെന്ന് ട്വിറ്ററിൽ പൊതുജനാരോഗ്യ മന്ത്രാലയം പറഞ്ഞു. ആഴ്ചയിൽ 7 ദിവസവും രാവിലെ 11 മുതൽ രാത്രി 10 വരെ പ്രവർത്തിക്കുന്ന ഡ്രൈവ്-ത്രൂ സെന്ററിലേക്കുള്ള അവസാന പ്രവേശന കവാടം എല്ലാ ദിവസവും രാത്രി 9 മണി വരെയാണ്.
ഡ്രൈവ്-ത്രൂ സെന്ററിൽ ആദ്യം എത്തിയവർക്ക് ആദ്യം വാക്സിനേഷൻ നൽകും. തിരക്കേറിയ സമയങ്ങളിൽ നിങ്ങൾ കാത്തിരിക്കേണ്ടി വന്നേക്കാം. സെന്റർ ആരംഭിച്ച ആദ്യ കുറച്ച് ആഴ്ചകളിൽ ഏറ്റവും തിരക്കേറിയ സമയം ദിവസവും രാവിലെ 11നും ഉച്ചയ്ക്ക് 1നും ഇടയിലായിരുന്നു. അതിനാൽ വേഗത്തിൽ വാക്സിൻ ലഭിക്കാൻ ആളുകൾ ഉച്ചക്ക് 2നും രാത്രി 7നും ഇടയിൽ സന്ദർശിക്കാനാണ് ശുപാർശ ചെയ്യുന്നത്.
ആളുകൾ ഒരു കാറിലോ അനുയോജ്യമായ വാഹനത്തിലോ ആണ് വാക്സിനേഷൻ പ്രക്രിയ പൂർത്തിയാക്കേണ്ടത്. കാർ സ്വന്തമല്ലാത്ത ആളുകൾക്ക് കേന്ദ്രം സന്ദർശിച്ച് ടാക്സിയിൽ വാക്സിനേഷൻ എടുക്കാം. രണ്ടാമത്തെ ഡോസ് വാക്സിൻ സ്വീകരിക്കുന്ന ആളുകൾക്കാണ് ലുസൈലിലെ ഡ്രൈവ്-ത്രൂ വാക്സിനേഷൻ സെന്റർ സന്ദർശിക്കാൻ അർഹതയുള്ളത്.
രണ്ടാമത്തെ ഡോസ് സ്വീകരിക്കാൻ ഷെഡ്യൂൾ ചെയ്തിട്ടുള്ളവർക്ക് അപ്പോയിന്റ്മെന്റിന്റെ ആവശ്യമില്ലാതെ, ഷെഡ്യൂൾ ചെയ്ത ദിവസത്തിൽ നേരിട്ട് ഡ്രൈവ്-ത്രൂ സെന്ററിലേക്ക് പോകാം. ലുസൈൽ മൾട്ടി പർപ്പസ് ഹാളിന് പിന്നിലാണ് ഡ്രൈവ് ത്രൂ സെന്റർ.
People without car can take vaccine dose in taxi at drive-through centre: MOPH#Qatar #Doha #Covid19Vaccine https://t.co/RdXZs85Qxx
— The Peninsula Qatar (@PeninsulaQatar) March 17, 2021