അടുത്ത ഫിഫ ലോകകപ്പിനുള്ള ഖത്തറിന്റെ തയ്യാറെടുപ്പുകൾക്ക് നേതൃത്വം നൽകുന്ന സുപ്രീം കമ്മിറ്റി ഫോർ ഡെലിവറി ആന്റ് ലെഗസി (എസ്സി) 2022ലെ ഉദ്ഘാടന മത്സരം നടക്കാനിരിക്കുന്ന അൽ ബെയ്റ്റ് സ്റ്റേഡിയത്തിന്റെ നിർമാണ പ്രവൃത്തികളിൽ ഉൾപ്പെട്ട തൊഴിലാളികൾക്ക് തങ്ങളുടെ കൃതജ്ഞത അർപ്പിച്ചു.
അൽ-ബെയ്റ്റ് സ്റ്റേഡിയത്തിന്റെ നിർമാണം പൂർത്തിയാക്കാൻ കുറച്ച് കാര്യങ്ങൾ മാത്രമേ ശേഷിക്കുന്നുള്ളൂ എന്ന് കമ്മിറ്റി പറഞ്ഞു. പരമ്പരാഗത അറബ് കൂടാരത്തിന് സമാനമായി രൂപകൽപ്പന ചെയ്തിട്ടുള്ള ഈ ലോകോത്തര സ്റ്റേഡിയം അടുത്ത മാസങ്ങളിൽ ഉദ്ഘാടനം ചെയ്യപ്പെടും. ടൂർണമെന്റിന്റെ ഉദ്ഘാടന മത്സരത്തിനുള്ള വേദിയായി ഇത് സ്ഥിരീകരിക്കപ്പെട്ടിട്ടുണ്ട്.
.@roadto2022 #FIFAWorldCup2022 #Qatar #AlBaytStadium
— Qatar Tribune (@Qatar_Tribune) October 31, 2020
https://t.co/M87Keh0Dds
60,000 സീറ്റുകളുടെ ഇൻസ്റ്റാളേഷനും പിച്ചിന്റെ ഉപരിതലവും ഇതിനകം പൂർത്തിയായതായി സുപ്രീം കമ്മിറ്റി സ്ഥിരീകരിച്ചു. 2017 ൽ ഉദ്ഘാടനം ചെയ്ത അൽ-ഖലീഫ അന്താരാഷ്ട്ര ലോകകപ്പ് സ്റ്റേഡിയത്തിന്റെ ഉത്തരവാദിത്തമുള്ള ആസ്പയർ സോൺ ഫൗണ്ടേഷനാണ് സ്റ്റേഡിയം നിർമിച്ചത്.