ദൈർഘ്യം കുറവാണെങ്കിലും കൊവിഡ് മുൻകരുതലുകൾ പാലിക്കേണ്ടതിന്റെ ആവശ്യകതയെക്കുറിച്ച് മൂന്ന് മിനിറ്റിനുള്ളിൽ അവഗണിക്കാൻ കഴിയാത്ത ശക്തമായ സന്ദേശമാണ് പ്രവാസി മലയാളി നുവൈദ് നുഹി സംവിധാനം ചെയ്ത ‘ഡാൻ’ എന്ന ചിത്രം നൽകുന്നത്.
മലയാളഭാഷയിലുള്ള ചിത്രം ദോഹയിലാണ് ചിത്രീകരിച്ചത്. പൊതു സ്ഥലങ്ങളിൽ മാസ്ക് ധരിക്കേണ്ടതിന്റെ പ്രാധാന്യമുൾപ്പെടെ കൊവിഡ് സുരക്ഷാ പ്രോട്ടോക്കോളിനെക്കുറിച്ച് നന്നായി അറിയുന്ന ഒരു കുട്ടിയെ കേന്ദ്രീകരിച്ചാണ് സിനിമ. മൂന്നു മിനുട്ടിനുള്ളിൽ വലിയൊരു സന്ദേശം എത്തിക്കുക എന്നത് വെല്ലുവിളിയാണെങ്കിലും, സിനിമാ ടീം തങ്ങളുടെ ദൗത്യം കൃത്യമായി പൂർത്തീകരിച്ചിട്ടുണ്ട്.
https://t.co/ESqrTFPx6m via @Qatar_Tribune
— Qatar Tribune (@Qatar_Tribune) December 6, 2020
“കോവിഡ് പാൻഡെമിക്കിനെ തടയാൻ പൊതുജനങ്ങൾക്ക് ചെയ്യാൻ കഴിയുന്ന ഏറ്റവും എളുപ്പമുള്ള കാര്യം മാസ്ക് ധരിക്കുക എന്നതാണ്, ഇത് മെഡിക്കൽ വിദഗ്ധർ ശുപാർശ ചെയ്യുന്നു. സിനിമയുടെ വിഷയം എന്റെ മനസ്സിൽ വന്നപ്പോൾ, ഒരു കുടുംബത്തിലൂടെ, പ്രത്യേകിച്ച് ഭാവിയിൽ സമൂഹത്തെ നയിക്കാൻ പോകുന്ന ഒരു കുട്ടിയിലൂടെ അവതരിപ്പിക്കാൻ ഞാൻ തീരുമാനിച്ചു.” ഖത്തർ ട്രിബ്യൂണിനോട് സംവിധായകൻ പറഞ്ഞു.
സോഷ്യൽ മീഡിയ പ്ലാറ്റ്ഫോമുകളിൽ റിലീസ് ചെയ്ത ചിത്രം ഇതിനകം തന്നെ അത് നൽകുന്ന ശക്തമായ സന്ദേശവും ചിത്ര രാജേഷ്, ഡാൻ മാർട്ടിൻ എന്നിവരുടെ മികച്ച പ്രകടനം കൊണ്ടും ജനങ്ങളുടെ ശ്രദ്ധ പിടിച്ചുപറ്റിയിട്ടുണ്ട്.
ഗിയാന മരിയ മാർട്ടിൻ, ജാൻസി ജനാർദ്ദനൻ, കരീം റുസിയ, മാർട്ടിൻ തോമസ്, ദിവ്യ മാർട്ടിൻ എന്നിവരാണ് ചിത്രത്തിൽ അഭിനയിച്ച മറ്റുള്ളവർ. ഫിയാസ് ചാവക്കാട് (ഫോട്ടോഗ്രാഫി), ഷാ (എഡിറ്റിംഗ്), മുഹമ്മദ് സജേദ് (ഡിസൈൻ & ക്രിയേറ്റീവ് സപ്പോർട്ട്) എന്നിവരാണ് തിരശ്ശീലയ്ക്ക് പിന്നിൽ പ്രവർത്തിച്ചത്.
നൃത്തത്തിൽ അഭിനിവേശമുള്ള നുവൈദ് നിരവധി ഹ്രസ്വചിത്രങ്ങളും സംഗീത ആൽബങ്ങളും സംവിധാനം ചെയ്തിട്ടുണ്ട്. അദ്ദേഹത്തിന്റെ പുതിയ ഹ്രസ്വചിത്രമായ ‘മുത്തുവൻ’ നിർമ്മാണ ജോലികൾ ദോഹയിൽ ഉടൻ ആരംഭിക്കും.
ഡാൻ ചിത്രത്തിന്റെ യുട്യൂബ് ലിങ്ക്: https://youtu.be/JkA350zC4n0