ഖത്തറിൽ ഒരു കൊവിഡ് മരണം കൂടി, വിദേശത്തു നിന്നു വന്നവരുൾപ്പെടെ ഇന്ന് 224 പുതിയ രോഗികൾ

ഖത്തറിൽ ഇന്ന് ഒരാൾ കൂടി കൊവിഡ് മൂലം മരണമടഞ്ഞതായി ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് കൊവിഡ് മൂലമുള്ള മരണം 209 ആയി. തീവ്രപരിചരണ വിഭാഗത്തിൽ ചികിത്സയിലുണ്ടായിരുന്ന 50 വയസുള്ള വ്യക്തിയാണ് ഇന്നു മരണമടഞ്ഞത്. മരണത്തിൽ അനുശോചനവും ദു:ഖവും ആരോഗ്യമന്ത്രാലയം അറിയിച്ചു.

ഇന്ന് 224 പേർക്ക് പുതിയതായി കൊവിഡ് വൈറസ് ബാധ കണ്ടെത്തി. ഇതിൽ 10 പേർ മറ്റു രാജ്യങ്ങളിൽ നിന്നും ഖത്തറിലെത്തിയവരാണ്. ഇതോടെ 122917 പേർക്കാണ് ഇതു വരെ ഖത്തറിൽ രോഗം കണ്ടെത്തിയത്. 209 പേർക്ക് അസുഖം ഭേദമായപ്പോൾ രാജ്യത്ത് ആകെ അസുഖം ഭേദമായവരുടെ എണ്ണം 119822 ആണ്. നിലവിൽ 2886 പേരാണ് ഖത്തറിൽ കൊവിഡ് ബാധിച്ചു ചികിത്സയിലുള്ളത്.

آخر مستجدات فيروس كورونا في قطر
Latest update on Coronavirus in Qatar#سلامتك_هي_سلامتي #YourSafetyIsMySafety pic.twitter.com/vhPRMteqPV

— وزارة الصحة العامة (@MOPHQatar) September 18, 2020

5051 പേർക്ക് പരിശോധന നടത്തിയാണ് 224 പേർക്ക് രോഗമുണ്ടെന്നു കണ്ടെത്തിയത്. ആകെ 714183 പേർക്കാണ് ഇതുവരെ രാജ്യത്തു കൊവിഡ് പരിശോധന നടത്തിയത്. രോഗബാധ കണ്ടെത്തിയവരിൽ കഴിഞ്ഞ ഇരുപത്തിനാലു മണിക്കൂറിനിടെ എത്തിയ 36 പേരെയും ചേർത്ത് 405 ആളുകൾ വിവിധ ആശുപത്രികളിൽ ചികിത്സയിലാണ്. 3 പേർ ഇന്നലെ പുതിയതായി തീവ്രപരിചരണ വിഭാഗത്തിൽ പ്രവേശിപ്പിക്കപ്പെട്ടപ്പോൾ 59 പേരാണ് ഇപ്പോൾ ഐസിയുവിൽ ചികിത്സയിലുള്ളത്.

സാമൂഹിക അകലം പാലിക്കുക, ആൾക്കൂട്ടങ്ങൾ ഒഴിവാക്കുക, മാസ്ക് ധരിക്കുക, കൈകൾ വൃത്തിയായി കഴുകുക തുടങ്ങി സുരക്ഷാ മുൻകരുതലുകൾ പാലിക്കേണ്ടത് വൈറസിനെ പൂർണമായും തുടച്ചു മാറ്റണമെങ്കിൽ നിർബന്ധമാണെന്ന് മന്ത്രാലയം അറിയിച്ചു.

ഏതെങ്കിലും തരത്തിൽ രോഗലക്ഷണമുള്ളവർ ചികിത്സ തേടണം. രാജ്യത്തെ കൊവിഡ് പരിശോധനാ കേന്ദ്രങ്ങൾ:

മുയ്ത്തർ ഹെൽത്ത് സെന്റർ
റാവ്ദത്ത് അൽ ഖലീൽ ഹെൽത്ത് സെന്റർ
ഉമ് സലാൽ ഹെൽത്ത് സെന്റർ
അൽ ഘറാഫ ഹെൽത്ത് സെന്റർ