തൊഴിലാളികൾക്ക് വീണ്ടും ജോലി നൽകുന്നതിനുള്ള സഹകരണ കരാർ ഒപ്പു വെച്ചു
തൊഴിലാളികൾക്ക് വീണ്ടും ജോലി നൽകുന്നതിനായി ഖത്തർ ചേംബറും അഡ്മിനിസ്ട്രേറ്റീവ് ഡവലപ്മെന്റ് ലേബർ ആന്റ് സോഷ്യൽ അഫയേഴ്സ് മന്ത്രാലയവും (എംഎഡിഎൽഎസ്എ) സഹകരണ കരാറിൽ ഒപ്പുവച്ചു.
പ്രാദേശിക വിപണിയിൽ പ്രഗത്ഭരായ തൊഴിലാളികളെ വീണ്ടും ജോലിയിൽ പ്രവേശിപ്പിക്കുകയെന്ന ലക്ഷ്യത്തോടെ കഴിഞ്ഞ ജൂലൈയിൽ മന്ത്രാലയവുമായി ഏകോപിപ്പിച്ച് ആരംഭിച്ച ഖത്തർ ചേംബറിന്റെ ഇലക്ട്രോണിക് പ്ലാറ്റ്ഫോമിനെ പിന്തുണയ്ക്കുന്നതാണ് കരാർ.
Qatar Chamber, Labour Ministry sign deal to boost cooperation in worker re-employment#Qatar https://t.co/KM10jShYO5
— The Peninsula Qatar (@PeninsulaQatar) October 3, 2020
തൊഴിൽ പുനരധിവാസത്തിൽ ഇരു വിഭാഗങ്ങളും തമ്മിലുള്ള സഹകരണം വളർത്തുക, വിദഗ്ധ തൊഴിലാളികളെ ലഭിക്കുന്നതു സുഗമമാക്കുക, അതുപോലെ തന്നെ ഇലക്ട്രോണിക് ലിങ്ക് വഴി വിദേശത്ത് നിന്ന് റിക്രൂട്ട് ചെയ്യുന്നതടക്കമുള്ള ബദലുകൾ നൽകുക എന്നിവയാണ് കരാർ ലക്ഷ്യമിടുന്നത്.
ഒപ്പുവച്ച കരാർ പ്രകാരം ഓരോ പാർട്ടിയുടെയും ഉത്തരവാദിത്തങ്ങളും ചുമതലകളും നടപ്പിലാക്കാൻ ചേംബറിന്റെയും മന്ത്രാലയത്തിന്റെയും സംയുക്ത സമിതി രൂപീകരിക്കുമെന്ന് ധാരണയായി. അതിൽ ഇരുവിഭാഗവും തമ്മിലുള്ള ഏകോപനം വർദ്ധിപ്പിക്കുക, സഹകരണത്തിനായുള്ള പുതിയ മേഖലകൾ നിർദ്ദേശിക്കുക, ഒപ്പിട്ട കരാർ അനുസരിച്ച് സംയുക്ത പദ്ധതികൾ നടപ്പിലാക്കുക എന്നിവക്കാണ് ഊന്നൽ നൽകിയിരിക്കുന്നത്.