വെള്ളിയാഴ്ച ഉച്ച മുതൽ ഞായറാഴ്ച വരെ ശക്തമായ കാറ്റും ഉയർന്ന കടലും പ്രതീക്ഷിക്കാമെന്ന് ഖത്തർ കാലാവസ്ഥാ വകുപ്പ് മുന്നറിയിപ്പ് നൽകി. വടക്കുപടിഞ്ഞാറൻ കാറ്റ് ചില സമയങ്ങളിൽ 18 മുതൽ 30 കെടി വരെയും ചിലപ്പോൾ 38 കെടി വരെ ആയിരിക്കുമെന്നതിനാൽ സമുദ്ര പ്രവർത്തനങ്ങൾ ചെയ്യുന്നവർ സൂക്ഷിക്കണം.
കടലിലെ തിരമാലകൾ ചില സ്ഥലങ്ങളിൽ 6 മുതൽ 10 അടി വരെയും ചിലപ്പോൾ 14 അടി വരെയും ഉയരും. അതേസമയം, വരും ദിവസങ്ങളിൽ രാജ്യത്ത് താപനില ക്രമാനുഗതമായി ഉയരുമെന്ന് കാലാവസ്ഥാ വകുപ്പ് വ്യക്തമാക്കി. വെള്ളിയാഴ്ച പരമാവധി താപനില 33-39 ഡിഗ്രി സെൽഷ്യസ് വരെയാകും.
പകൽ സമയത്ത് കാലാവസ്ഥ ചൂടുള്ളതായി തുടങ്ങുകയും ഇത് പൊടിപടലങ്ങൾ സൃഷ്ടിക്കുകയും ചെയ്യുന്നത് ദൃശ്യപരത കുറയാൻ ഇടയാക്കും. ഇക്കാലയളവിൽ സമുദ്ര പ്രവർത്തനങ്ങൾ ഒഴിവാക്കണമെന്ന് ക്യുഎംഡി എല്ലാ പൗരന്മാരോടും താമസക്കാരോടും അഭ്യർത്ഥിച്ചു.
Strong wind and high seas expected from Friday: QMD#Qatar #Doha https://t.co/OjBZL9GOsv
— The Peninsula Qatar (@PeninsulaQatar) March 11, 2021
