മെട്രാഷ് 2 വഴി റെസിഡൻസി പെർമിറ്റ് പുതുക്കാമെന്ന് ആഭ്യന്തര മന്ത്രാലയം
ആഭ്യന്തര മന്ത്രാലയത്തിന്റെ സ്മാർട്ട്ഫോൺ അപ്ലിക്കേഷനായ മെട്രാഷ് 2, അടുത്തിടെ കമ്പനികൾക്കായി അവതരിപ്പിച്ച സേവനത്തിലൂടെ ഓട്ടോമാറ്റിക്കായി റെസിഡൻസി പെർമിറ്റ് പുതുക്കാൻ കഴിയും. ഇതിന്റെ പ്രയോജനം നേടുന്നതിന് കമ്പനി മെട്രാഷ് 2 വഴി (ഓട്ടോമാറ്റിക് റെസിഡൻസി പുതുക്കൽ) രജിസ്റ്റർ ചെയ്യേണ്ടതുണ്ട്. ഇതോടെ റെസിഡൻസി പെർമിറ്റ് സ്വയമേവ പുതുക്കപ്പെടുകയും കമ്പനിയിലേക്ക് ഐഡികൾ അയയ്ക്കുകയും ചെയ്യുന്നു.
ആഭ്യന്തര മന്ത്രാലയത്തിലെ പബ്ലിക് റിലേഷൻസ് വകുപ്പുമായി സഹകരിച്ച് ജനറൽ ഡയറക്ടറേറ്റ് ഓഫ് ഇൻഫർമേഷൻ സിസ്റ്റംസ് (ജിഡിഐഎസ്) സംഘടിപ്പിച്ച മെട്രാഷ് 2 സേവനങ്ങളെക്കുറിച്ചുള്ള ഒരു ഓൺലൈൻ സെമിനാറിലാണ് ഇത് വിശദീകരിച്ചത്. ജിഡിഎസിലെ ഇലക്ട്രോണിക് സർവീസസ് ഡിപ്പാർട്ട്മെന്റിലെ സ്മാർട്ട് ഡിവൈസ് സെക്ഷൻ ഓഫീസർ ലഫ്റ്റനന്റ് മുഹമ്മദ് ഖാലിദ് അൽ തമീമി ഖത്തറിലെ പൗരന്മാർക്കും താമസക്കാർക്കും കമ്പനികൾക്കുമായി മെട്രാഷ് 2 സേവനങ്ങളുടെ ഗുണങ്ങളെക്കുറിച്ച് അവതരിപ്പിച്ചു.
#Metrash2 enables 'automatic' RP renewal of staff#MoI #Qatar #ZeroClick https://t.co/7MApX0gFMm
— Gulf Times (@GulfTimes_QATAR) October 5, 2020
മെട്രാഷ് 2വിന് നിലവിൽ 2 ദശലക്ഷം ഉപയോക്താക്കൾ ഉണ്ടെന്നും അദ്ദേഹം പറഞ്ഞു. 220ലധികം സേവനങ്ങളാണ് ആപ്പ് വഴി നൽകുന്നത്. അറബി, ഇംഗ്ലീഷ്, ഫ്രഞ്ച്, മലയാളം, ഉറുദു, സ്പാനിഷ് എന്നിങ്ങനെ 6 ഭാഷകളിൽ മെട്രാഷ് 2 സേവനം ലഭ്യമാണ്. ഇത് സുരക്ഷിതവും എൻക്രിപ്റ്റ് ചെയ്തതുമായ സേവനങ്ങൾക്ക് ഗ്യാരണ്ടി നൽകുകയും മിക്ക സ്മാർട്ട് ഉപകരണങ്ങളിലും പ്രവർത്തിക്കുകയും ചെയ്യുന്നു.
മെട്രാഷ് 2വിന്റെ സേവനങ്ങൾ ലഭിക്കാൻ സാധുവായ ഖത്തറി ഐഡിയും ഉപയോക്താവിന്റെ പേരിൽ രജിസ്റ്റർ ചെയ്ത ഫോൺ നമ്പറും ആവശ്യമാണെന്ന് അദ്ദേഹം പറഞ്ഞു.