അൽ വക്ര ആശുപത്രിയുടെ അത്യാഹിത വിഭാഗം ഇന്ന് (ഏപ്രിൽ 2) അർദ്ധരാത്രി മുതൽ അടച്ചിടുമെന്ന് ഹമദ് മെഡിക്കൽ കോർപ്പറേഷൻ (എച്ച്എംസി) ട്വിറ്ററിലൂടെ അറിയിച്ചു. വർദ്ധിച്ചുവരുന്ന കോവിഡ് കേസുകൾ മൂലമുള്ള ആരോഗ്യമേഖലയുടെ നടപടികളുടെ ഭാഗമായി, കോവിഡ് രോഗികളെ പരിചരിക്കാനുള്ള സൗകര്യമായി അൽ വക്ര ഹോസ്പിറ്റലിനെ നിയോഗിച്ചുവെന്ന് എച്ച്എംസി ട്വീറ്റിൽ പറഞ്ഞു.
അൽ വക്രയിലും ഖത്തറിലെ മറ്റ് സ്ഥലങ്ങളിലും അടിയന്തിരമായ മെഡിക്കൽ സേവനങ്ങൾ ആവശ്യമുള്ള ആളുകൾ ഇനിപ്പറയുന്ന ബദലുകളിലൊന്ന് തിരഞ്ഞെടുക്കണമെന്നും എച്ച്എംസി പരാമർശിച്ചു.
-അടിയന്തിരവും എന്നാൽ ജീവന് ഭീഷണിയല്ലാത്തതുമായ ആരോഗ്യ പ്രശ്നങ്ങളുള്ളവർക്ക് ആഴ്ചയിൽ ഏഴു ദിവസവും രാവിലെ 7 മുതൽ ഉച്ചകഴിഞ്ഞ് 3 വരെ എച്ച്എംസിയുടെ അടിയന്തിര കൺസൾട്ടേഷൻ സേവനത്തെ 16000 എന്ന നമ്പറിൽ ബന്ധപ്പെടാം.
– ജീവനു ഭീഷണിയുള്ള മെഡിക്കൽ അത്യാഹിതങ്ങൾ അറിയിക്കാൻ 999 എന്ന നമ്പറിൽ വിളിച്ച് അടിയന്തര വിഭാഗത്തിലേക്ക് ഉടൻ കൈമാറുക.
ഗുരുതരമായ മെഡിക്കൽ അത്യാഹിതങ്ങൾക്കായി ഹമദ് ജനറൽ ഹോസ്പിറ്റലിന്റെ ട്രോമ ആൻഡ് എമർജൻസി ഡിപ്പാർട്ട്മെന്റ് 24×7 പൂർണ്ണമായും പ്രവർത്തിക്കുന്നു. പ്രൈമറി ഹെൽത്ത് കെയർ കോർപ്പറേഷൻ നടത്തുന്ന ഖത്തറിലുടനീളമുള്ള എട്ട് അടിയന്തിര പരിചരണ കേന്ദ്രങ്ങളിലും അടിയന്തിര സേവനങ്ങൾ നൽകുന്നതാണ്.
Al Wakra Hospital emergency to close; care for COVID-19 patients#Qatar #Doha https://t.co/7Nr2aCmRGq
— The Peninsula Qatar (@PeninsulaQatar) April 1, 2021