ഖത്തർ ഉൾപ്പെടെയുള്ള രാജ്യങ്ങളിലുള്ള ഇന്ത്യൻ വിദ്യാർത്ഥികൾക്ക് വലിയ തുക സ്കോളർഷിപ്പായി നേടാം
ഇന്ത്യയിലെ കോളേജുകളിലേക്ക് അപേക്ഷിക്കാൻ ആഗ്രഹിക്കുന്ന ഖത്തറിലെ ഇന്ത്യൻ വിദ്യാർത്ഥികൾക്ക് വിദേശകാര്യ മന്ത്രാലയം വാഗ്ദാനം ചെയ്യുന്ന സ്കോളർഷിപ്പ് പ്രോഗ്രാം ഫോർ ഡയസ്പോര ചിൽഡ്രനിൽ (എസ്പിഡിസി) നിന്നും പ്രയോജനം നേടാമെന്ന് ദോഹയിലെ ഇന്ത്യൻ എംബസി അറിയിച്ചു.
ഖത്തർ ഉൾപ്പെടെ 18 ഇസിആർ രാജ്യങ്ങളിൽ ജോലി ചെയ്യുന്ന ഇന്ത്യൻ രക്ഷകർത്താക്കളുടെ (പേഴ്സൺ ഓഫ് ഇന്ത്യൻ ഒറിജിൻ ആൻഡ് നോൺ റസിഡന്റ് ഓഫ് ഇന്ത്യ) കുട്ടികൾക്ക് എല്ലാ വർഷവും 150 സ്കോളർഷിപ്പുകൾ മന്ത്രാലയം വാഗ്ദാനം ചെയ്യുന്നു. പ്രതിമാസ വരുമാനം 4,000 ഡോളറിൽ കൂടാത്ത (QR14,564) പ്രവാസി മാതാപിതാക്കളുടെ കുട്ടികൾക്കാണ് ഈ സ്കോളർഷിപ്പ്.
സ്കോളർഷിപ്പ് സ്കീം പ്രകാരം, മൊത്തം സ്ഥാപന സാമ്പത്തിക ചെലവിന്റെ (ഐഇസി) 75% ഇന്ത്യൻ സർക്കാർ (പരമാവധി 4,000 ഡോളറിന്) വഹിക്കും. ഇനിപ്പറയുന്ന സ്ഥാപനങ്ങൾ ഈ സ്കീമിന് കീഴിലാണ്:
a) എൻഐടികൾ, ഐഐടികൾ, സ്കൂൾ ഓഫ് പ്ലാനിംഗ് ആൻഡ് ആർകിടെക്ചർ
b) എൻഎസി അംഗീകരിച്ചതും യുജിസി അംഗീകരിച്ചതുമായ ‘എ’ ഗ്രേഡ് സ്ഥാപനങ്ങൾ
c) ഇന്ത്യയിലെ കേന്ദ്ര സർവകലാശാലകൾ
d) DASA സ്കീമിന് കീഴിലുള്ള മറ്റ് സ്ഥാപനങ്ങൾ
പുതിയ വിദ്യാർത്ഥികൾക്ക് (ഒന്നാം വർഷം) മാത്രമേ സ്കോളർഷിപ്പ് ലഭിക്കാൻ അർഹതയുള്ളൂ. യോഗ്യതയുള്ള എല്ലാ വർക്കും അപേക്ഷിക്കാം. കൂടുതൽ മാർഗ്ഗനിർദ്ദേശങ്ങൾക്കായി www.spdcindia.gov.in എന്ന വെബ്സൈറ്റ് പരിശോധിക്കുക.
അഫ്ഗാനിസ്ഥാൻ, ബഹ്റൈൻ, ഇന്തോനേഷ്യ, ഇറാഖ്, ജോർദാൻ, സൗദി അറേബ്യ, കുവൈറ്റ്, ലെബനൻ, ലിബിയ, മലേഷ്യ, ഒമാൻ, ഖത്തർ, ദക്ഷിണ സുഡാൻ, സുഡാൻ, സിറിയ, തായ്ലൻഡ്, യുണൈറ്റഡ് അറബ് എമിറേറ്റ്സ്, യെമൻ എന്നിവയാണ് 18 ഇസിആർ രാജ്യങ്ങൾ.
— Qatar Tribune (@Qatar_Tribune) June 16, 2021