എടിഎം, ഡെപ്പോസിറ്റ് മെഷീനുകളിൽ ഇനിമുതൽ പുതിയ ബാങ്ക് നോട്ടുകൾ നിക്ഷേപിക്കാം
പൗരന്മാർക്കും പ്രവാസികൾക്കും ഇപ്പോൾ എടിഎമ്മുകളിലും ക്യാഷ് ഡെപ്പോസിറ്റ് മെഷീനുകളിലും പുതിയ നോട്ടുകൾ ഡെപോസിറ്റ് ചെയ്യാൻ കഴിയും. ചില ബാങ്കുകളുടെ എടിഎമ്മുകളും ഡെപ്പോസിറ്റ് മെഷീനുകളും പുതിയ നോട്ടുകൾ സ്വീകരിച്ചുതുടങ്ങിയതായി അറിയിച്ചിട്ടുണ്ട്.
നിങ്ങൾക്ക് ഇപ്പോൾ പുതിയതും പഴയതുമായ ഖത്തരി ബാങ്ക് നോട്ടുകൾ ക്യുഎൻബി എടിഎമ്മുകളിൽ നിക്ഷേപിക്കാമെന്ന് എന്ന് ക്യുഎൻബി വ്യാഴാഴ്ച ട്വീറ്റിൽ പറഞ്ഞു.
പുതിയ നോട്ടുകൾ ഡെപോസിറ്റ് മെഷീനിൽ നിക്ഷേപിക്കാമെന്ന് ഖത്തർ ഇസ്ലാമിക് ബാങ്കും (ക്യുഐബി) ഉപഭോക്താക്കളെ അറിയിച്ചിട്ടുണ്ട്. ഓരോ ഇടപാടിനും 30 നോട്ടുകൾ വരെ ഉപഭോക്താക്കൾക്ക് നിക്ഷേപിക്കാമെന്നും പ്രതിദിന ക്യാഷ് ഡെപ്പോസിറ്റ് പരിധി 50,000 റിയാലായി നിശ്ചയിച്ചിട്ടുണ്ടെന്നും ബാങ്ക് വ്യക്തമാക്കി.
കഴിഞ്ഞ വർഷം ഡിസംബർ 18 ന് ഖത്തർ സെൻട്രൽ ബാങ്ക് (ക്യുസിബി) പുതിയ നോട്ടുകൾ അവതരിപ്പിച്ചതിനുശേഷം, ഉപയോക്താക്കൾക്ക് പുതിയ നോട്ടുകൾ നിക്ഷേപ യന്ത്രങ്ങളിൽ നിക്ഷേപിക്കാൻ കഴിഞ്ഞിട്ടില്ല. പുതിയ ബാങ്ക് നോട്ടുകൾ ഡിസംബർ 18 മുതൽ എടിഎമ്മുകളിൽ നിന്ന് ലഭ്യമായി തുടങ്ങിയെങ്കിലും നിക്ഷേപ യന്ത്രങ്ങൾ പുതിയ നോട്ടുകൾ സ്വീകരിക്കുന്നില്ല.
The banks were required to upgrade their machines for the new banknotes which have high-security features and new designs. #Qatar #Bank #Security #ATM https://t.co/lmC6yGOqfi
— The Peninsula Qatar (@PeninsulaQatar) February 13, 2021