ദോഹയിൽ നിന്നും അബുദാബിയിലേക്കു പോകുന്നവർക്ക് നിർബന്ധിത ക്വാറന്റിൻ വേണം
ദോഹയിൽ നിന്ന് അബുദാബിയിലേക്ക് പോകുന്ന പൗരന്മാർക്കും താമസക്കാർക്കും ഇപ്പോൾ നിർബന്ധിത ക്വാറന്റീൻ വേണ്ടിവരും. യുണൈറ്റഡ് അറബ് എമിറേറ്റ്സിലും ഖത്തറിലും കൊവിഡ് കേസുകൾ വർദ്ധിച്ചതിനെത്തുടർന്ന്, ഖത്തർ ഉൾപ്പെടെയുള്ള ചില രാജ്യങ്ങളെ ഒഴിവാക്കി അബുദാബി തങ്ങളുടെ ‘ഗ്രീൻ ലിസ്റ്റ്’ അപ്ഡേറ്റു ചെയ്തുവെന്ന് അധികൃതർ സ്ഥിരീകരിച്ചു.
ഫെബ്രുവരി 7 മുതൽ പ്രാബല്യത്തിൽ വന്ന പട്ടികയിൽ ഖത്തർ, ബഹ്റൈൻ, മാലിദ്വീപ്, ഒമാൻ, തായ്ലൻഡ്, ഫാക്ക്ലാൻഡ് ദ്വീപുകൾ, സെന്റ് കിറ്റ്സ്, നെവിസ് എന്നിവിടങ്ങളിൽ നിന്ന് എമിറാത്തി തലസ്ഥാനത്ത് എത്തുന്ന യാത്രക്കാർ മുൻകരുതൽ ചട്ടങ്ങൾ പാലിക്കേണ്ടതുണ്ട്. മുമ്പ്, ഖത്തറിൽ നിന്ന് എത്തുന്ന യാത്രക്കാരെ നിർബന്ധിത ക്വാറന്റിൻ നടപടികളിൽ നിന്ന് ഒഴിവാക്കിയിരുന്നു.
ഇപ്പോൾ രണ്ട് ഗൾഫ് രാജ്യങ്ങളും കഴിഞ്ഞ ആഴ്ചകളിൽ കൊറോണ വൈറസ് അണുബാധയുടെ വർദ്ധനവ് നേരിടുന്നു. ഞായറാഴ്ച യുഎഇയിൽ മൂവായിരത്തിലധികം പുതിയ കോവിഡ് കേസുകൾ റിപ്പോർട്ട് ചെയ്തു, മൊത്തം സജീവ അണുബാധകളുടെ എണ്ണം 19,815 ആയി. ഇതേത്തുടർന്നാണ് പുതിയ നിയന്ത്രണങ്ങൾ അബുദാബി കഴിഞ്ഞ ആഴ്ച പ്രഖ്യാപിച്ചത്.
🇦🇪✈️ Passengers travelling from #Qatar to Abu Dhabi will now need to quarantine, Emirati authorities confirmed, as both countries battle a surge in COVID-19 cases. Read more👇https://t.co/dFOgOjYj5X
— Doha News (@dohanews) February 8, 2021