ഖത്തറിലെ ആരോഗ്യ സേവനങ്ങളെ അന്താരാഷ്ട്ര തലത്തിലേക്ക് ഉയർത്താനുള്ള പദ്ധതികൾ നടപ്പിലാക്കുന്നുണ്ടെന്ന് ആരോഗ്യമന്ത്രി

അന്താരാഷ്ട്ര മാനദണ്ഡങ്ങൾക്ക് അനുസൃതമായി സംസ്ഥാനത്തെ ആരോഗ്യ സേവനങ്ങൾ മെച്ചപ്പെടുത്താൻ ലക്ഷ്യമിട്ടുള്ള നിരവധി സുപ്രധാന പദ്ധതികൾ മന്ത്രാലയം ഏറ്റെടുത്തിട്ടുണ്ടെന്ന് പൊതുജനാരോഗ്യ മന്ത്രി ഡോ. ഹനൻ മുഹമ്മദ് അൽ കുവാരി പറഞ്ഞു.

ആരോഗ്യസംരക്ഷണ സംവിധാനത്തിൽ ലാബ് സേവനങ്ങൾ ഒരു പ്രധാന മുൻ‌ഗണനയാണെന്ന് മെസാമീറിലെ നാഷണൽ ഹെൽത്ത് ലബോറട്ടറി പ്രോജക്റ്റ് സന്ദർശിച്ച സമയത്ത് സംസാരിച്ച മന്ത്രി വ്യക്തമാക്കി. വ്യക്തിയുടെയും സമൂഹത്തിന്റെയും ആരോഗ്യം മെച്ചപ്പെടുത്തുന്നതിൽ വഹിക്കുന്ന പ്രധാന പങ്ക് കാരണം ലബോറട്ടറി, ഗവേഷണ സേവനങ്ങൾ വികസിപ്പിക്കുന്നതിന് മന്ത്രാലയം പ്രതിജ്ഞാബദ്ധമാണെന്ന് അവർ ഓർമ്മിപ്പിച്ചു.

ഖത്തറിലെമ്പാടുമുള്ള പൊതുജനാരോഗ്യ സേവനങ്ങളെ പിന്തുണയ്ക്കുന്ന മെഡിക്കൽ ടെസ്റ്റുകളുമായി ബന്ധപ്പെട്ട ഏറ്റവും പുതിയ സാങ്കേതികവിദ്യ ലാബ് നൽകും. ഭക്ഷ്യ ഉൽപ്പന്നങ്ങളുടെ സുരക്ഷ ഉറപ്പാക്കുന്നതും പ്രോജക്ടിന്റെ സേവനങ്ങളിൽ ഉൾപ്പെടുന്നു.

മരുന്നുകളുടെയും മറ്റ് മെഡിക്കൽ ഉൽ‌പ്പന്നങ്ങളുടെയും ഫലപ്രാപ്തിയും സുരക്ഷയും ഉറപ്പുവരുത്തുന്നതിനായി ലാബ് വിശകലനം ചെയ്യും. വിവിധ തരം പകർച്ചവ്യാധികളെയും സാംക്രമിക രോഗങ്ങളെയും നേരിടുന്നതുമായി ബന്ധപ്പെട്ട ആരോഗ്യ സേവനങ്ങൾക്ക് മുൻ‌ഗണന നൽകും. പൊതുമരാമത്ത് അതോറിറ്റിയുടെ (അഷ്ഗൽ) സഹകരണത്തോടെയാണ് പദ്ധതി നടപ്പാക്കുന്നത്.

Ministry undertaking number of important projects for improving healthcare#Qatar https://t.co/kzH9UibsKV

— The Peninsula Qatar (@PeninsulaQatar) March 23, 2021