ഖത്തറിലുള്ളവർക്ക് സുപ്രധാന നിർദ്ദേശവുമായി ആരോഗ്യമന്ത്രാലയം
ഇത്തവണ ഇൻഫ്ലുവൻസ വാക്സിനേഷൻ സ്വീകരിക്കേണ്ടത് മുമ്പത്തേക്കാളും പ്രധാനമാണെന്ന് പൊതുജനാരോഗ്യ മന്ത്രാലയം (MoPH) ജനങ്ങളെ ഓർമ്മിപ്പിച്ചു. കുട്ടികൾക്ക് പ്രതിരോധ വാക്സിൻ നൽകേണ്ടതിന്റെ ആവശ്യകതയും അവർ ഊന്നിപ്പറഞ്ഞു.
“കുട്ടികൾക്ക് പകർച്ചപ്പനി പിടിപെടാനുള്ള സാധ്യത കൂടുതലാണ്. നിങ്ങളുടെ കുട്ടികളെ വൈറസ് ബാധിക്കുന്നതിൽ നിന്നും അത് പടർത്തുന്നതിൽ നിന്നും സംരക്ഷിക്കുക. അവർക്ക് പ്രതിരോധ കുത്തിവയ്പ് നൽകുക.” നാഷണൽ ചിൽഡ്രൻ ആൻഡ് അഡോളസെന്റ് ഹെൽത്ത് സ്ട്രാറ്റജി ഹെഡ് ഡോ. സദ്രിയ അൽകോഹ്ജി പറഞ്ഞു.
”കോവിഡ് 19 പാൻഡെമിക് മൂലം ഇത്തവണ ഇൻഫ്ലുവൻസ വാക്സിനേഷൻ സ്വീകരിക്കേണ്ടത് മുമ്പത്തേക്കാൾ പ്രധാനമാണ്. മാറുന്ന സീസണുകളും കുട്ടികൾ സ്കൂളിൽ പരസ്പരം ഇടപഴകുന്നതും വരും മാസങ്ങളിൽ പനി പടരാൻ ഇടയാക്കും.” മന്ത്രാലയം സോഷ്യൽ മീഡിയ അക്കൗണ്ടുകളിൽ പോസ്റ്റ് ചെയ്ത വീഡിയോ സന്ദേശത്തിൽ പറഞ്ഞു.
പ്രൈമറി ഹെൽത്ത് കെയർ കോർപ്പറേഷന്റെ (പിഎച്ച്സിസി) ഏതെങ്കിലും ആരോഗ്യ കേന്ദ്രത്തിൽ കുട്ടികൾക്ക് സൗജന്യ ഫ്ലൂ വാക്സിനേഷൻ ലഭിക്കുന്നതിന് അപ്പോയിന്റ്മെന്റ് എടുക്കാം. എല്ലാ പി‌എച്ച്‌സിസിയുടെ ആരോഗ്യ കേന്ദ്രങ്ങളിലും എച്ച്‌എം‌സിയിലും (ക്ലിനിക് അപ്പോയിന്റ്‌മെന്റുകളിൽ പങ്കെടുക്കുന്ന രോഗികൾക്കായി) 50ലധികം സ്വകാര്യ ക്ലിനിക്കുകളിലും ആശുപത്രികളിലും അർദ്ധ സർക്കാർ ആരോഗ്യ പരിരക്ഷാ സൗകര്യങ്ങളിലും വാക്സിൻ സൗജന്യമായി ലഭ്യമാണ്.
MoPH urges parents to ensure flu vaccine shots for children#Qatar #Doha #FluVaccine https://t.co/pVWpFv652w
— The Peninsula Qatar (@PeninsulaQatar) January 17, 2021
