സാമൂഹിക അകലം പാലിക്കാത്തതുൾപ്പെടെ കൊവിഡ് നിയന്ത്രണങ്ങൾ ലംഘിച്ചതിന് അറുനൂറിലധികം പേർക്കെതിരെ നടപടി
കോവിഡ് 19 മുൻകരുതൽ നടപടികൾ ലംഘിച്ചതിന് 637 പേർക്കെതിരെ ആഭ്യന്തര മന്ത്രാലയം കഴിഞ്ഞ ദിവസം നടപടിയെടുത്തു. മാസ്ക് ധരിക്കാത്തതിന് 557 പേർക്കെതിരെയും ഒരു വാഹനത്തിൽ പരമാവധി ഉണ്ടാകാവുന്ന ആളുകളുടെ എണ്ണം ലംഘിച്ചതിന് 59 പേർക്കെതിരെയും നടപടിയുണ്ടായി.
ഒരേ കുടുംബത്തിലെ അംഗങ്ങളല്ലെങ്കിൽ ഡ്രൈവർ ഉൾപ്പെടെ 4 പേർ മാത്രമേ വാഹനത്തിൽ പാടൂവെന്ന് നേരത്തെ വ്യക്തമാക്കിയിട്ടുണ്ട്. 13426 പേരെ മാസ്ക് ധരിക്കാത്തതിനും വാഹനത്തിനുള്ളിൽ ആളുകളുടെ പരിധി പാലിക്കാത്തതിന് 490 പേരെയും ഇതുവരെ പബ്ലിക് പ്രോസിക്യൂഷന് റഫർ ചെയ്തിട്ടുണ്ട്.
ഇതിനു പുറമേ ഇഹ്തിറാസ് ആപ്പ് ഡൗൺലോഡ് ചെയ്യാത്തതിനു 9 പേർക്കെതിരെയും സാമൂഹിക അകലം പാലിക്കാത്തതിന് 6 പേർക്കെതിരെയും ക്വാറന്റിൻ ലംഘനം നടത്തിയതിന് 6 പേർക്കെതിരെയും നടപടിയുണ്ടായി.
Over 600 booked for Covid-19 precautionary measures violation#Qatar #Doha #Covid19 https://t.co/NgoBOg1RE3
— The Peninsula Qatar (@PeninsulaQatar) February 16, 2021