ഖത്തറി ഉൽപന്നങ്ങൾക്കു വേണ്ടിയുള്ള പുതിയ ലോഗോ മന്ത്രാലയം പുറത്തിറക്കി
ഖത്തറി ഉൽപ്പന്നങ്ങളുടെ ബ്രാൻഡിംഗിനായുള്ള പുതിയ ലോഗോ വാണിജ്യ വ്യവസായ മന്ത്രാലയം ഇന്നലെ പുറത്തിറക്കി. ഇംഗ്ലീഷ്, അറബി ഭാഷകളിൽ ‘ഖത്തറി ഉൽപ്പന്നം’ എന്നെഴുതിയതിനൊപ്പം ഖത്തർ പതാകയുമുള്ള ലോഗോ മന്ത്രാലയം അതിന്റെ സോഷ്യൽ മീഡിയ ചാനലുകളിലെ വീഡിയോയിലൂടെയാണു പുറത്തിറക്കിയത്.
നിർമ്മാതാക്കൾക്കും ഔട്ട്ലെറ്റുകൾക്കും അവരുടെ ഉൽപ്പന്നങ്ങളിൽ പുതിയ ലോഗോ ലഭിക്കുന്നതിന് ആറുമാസത്തെ ഗ്രേസ് പിരീഡ് നൽകിയിട്ടുണ്ട്. എല്ലാവരും ഈ സമയപരിധി പാലിക്കുമെന്നാണ് മന്ത്രാലയം പ്രതീക്ഷിക്കുന്നു. ലോഗോയുടെ ഉപയോഗ നിബന്ധനകളും വീഡിയോയിൽ വ്യക്തമാക്കിയിട്ടുണ്ട്.
ആവശ്യമായ അംഗീകാരങ്ങളും ഔദ്യോഗിക ലൈസൻസുകളും നേടിയ എല്ലാ നിർമ്മാതാക്കൾക്കും സെയിൽസ് ഔട്ട്ലെറ്റുകൾക്കും ലോഗോ ഉപയോഗിക്കാൻ അനുവാദമുണ്ട്.
മാർക്കറ്റിംഗ് ആവശ്യങ്ങൾക്കായി പരസ്യ പ്രസിദ്ധീകരണങ്ങളിലും മെറ്റീരിയലുകളിലും ലോഗോ സ്ഥാപിക്കാം.
പ്രാദേശികമായി നിർമ്മിച്ചതും അർദ്ധനിർമ്മിതവുമായ എല്ലാ ഉൽപ്പന്നങ്ങളിലും ലോഗോ ഉപയോഗിക്കാൻ കഴിയും.
ഉൽപ്പന്നത്തിന്റെ പാക്കേജിംഗിന്റെ മുഖചിത്രത്തിലോ അല്ലെങ്കിൽ ഉപയോക്താവിന് വ്യക്തമായി കാണാവുന്ന മറ്റേതെങ്കിലും വശങ്ങളിലോ ലോഗോ പ്രയോഗിക്കാൻ കഴിയും, പക്ഷേ ഉൽപ്പന്നത്തിന് കീഴിൽ സ്ഥാപിക്കാൻ പാടില്ല.
ഡിസൈൻ മാർഗ്ഗനിർദ്ദേശങ്ങൾ പാലിക്കേണ്ടത് നിർബന്ധമാണ്. കൂടാതെ ലോഗോയുടെ ആകൃതിയോ ഉള്ളടക്കമോ മാറ്റുന്നത് അനുവദനീയമല്ല.
ഷിപ്പിംഗ്, വിതരണ വാഹനങ്ങളിൽ ലോഗോ സ്റ്റിക്കറുകൾ സ്ഥാപിക്കാം. അത് വാഹനത്തിന്റെ വലുപ്പത്തിന് ആനുപാതികമായി രൂപകൽപ്പന ചെയ്തിരിക്കണം.
In a video on its social media channels, @MOCIQatar unveiled the logo, which shows the Qatar flag with 'Qatari product' written in both English and Arabic. #Qatar https://t.co/dzhXnGAQdk
— The Peninsula Qatar (@PeninsulaQatar) December 30, 2020