ദോഹ ഫെസ്റ്റിവൽ സിറ്റി തീം പാർക്കുകൾ ഇന്നു മുതൽ തുറക്കും

ഇന്നു മുതൽ (ജനുവരി 11) ദോഹ ഫെസ്റ്റിവൽ സിറ്റി അതിന്റെ തീം പാർക്കുകൾ വീണ്ടും തുറക്കുന്നതായി പ്രഖ്യാപിച്ചു. മാസങ്ങളായി അടച്ചതിനു ശേഷമാണ് തീം പാർക്സ്, ആംഗ്രി ബേർഡ്സ് വേൾഡ്, വെർച്യുസിറ്റി, സ്നോ ഡ്യൂൺസ് എന്നിവ സന്ദർശകരെ 50% ശേഷിയിൽ സ്വാഗതം ചെയ്യുന്നത്.

ദോഹ ഫെസ്റ്റിവൽ സിറ്റി തീം പാർക്സ് ഖത്തറി ഓപ്പറേറ്റർ ലഷറിന്റെ ഉടമസ്ഥതയിലുള്ളതാണ്. തീം പാർക്കുകൾ വീണ്ടും തുറക്കുന്നത് ജനുവരി 4 മുതൽ മൂന്ന് ഘട്ടങ്ങളിലായി നടക്കുകയാണ്. അതിൽ ഔട്ട്‌ഡോർ കളിസ്ഥലങ്ങളും കുട്ടികളുടെ ഔട്ട്‌ഡോർ ഗെയിമുകളും വീണ്ടും തുറന്നു. ഇന്നു മുതൽ ആരംഭിക്കുന്ന അടുത്ത ഘട്ടത്തിൽ ഇലക്ട്രോണിക് ഗെയിമുകളും ട്രാംപോളിനുകളും ഉൾപ്പെടും.

ജനുവരി 24 മുതൽ‌ തീം പാർക്കുകൾ‌ പൂർണ്ണമായും പ്രവർ‌ത്തിക്കും. ഞായറാഴ്ച മുതൽ ബുധൻ വരെ ഉച്ചയ്ക്ക് 1 മുതൽ 10 വരെയും വ്യാഴം, വെള്ളി ദിവസങ്ങളിൽ ഉച്ചക്ക് 2 മുതൽ 12 വരെയും ശനിയാഴ്ചകളിൽ രാവിലെ 11 മുതൽ രാത്രി 9 വരെയും ലഷറിന്റെ തീം പാർക്കുകൾ തുറക്കും. സന്ദർശകരുടെ സുരക്ഷ ഉറപ്പാക്കുന്നതിന് എല്ലാ തീം പാർക്കുകളും ഏറ്റവും കർശനമായ സുരക്ഷാ നടപടികൾ സ്വീകരിക്കുന്നുണ്ട്.

All theme parks will adhere to the most stringent safety measures to ensure visitors’ safety. #Qatar #ThemeParks #Entertainment #COvid19 https://t.co/zIDVC8xAnT

— The Peninsula Qatar (@PeninsulaQatar) January 10, 2021