ഖത്തറിലെ ഏതാനും സ്വകാര്യ സ്കൂളുകളിൽ ഫീസ് വർദ്ധിക്കുമെന്ന് വിദ്യാഭ്യാസ മന്ത്രാലയം
സ്വകാര്യ സ്കൂളുകളെ കുറിച്ച് പഠിക്കാൻ നിയോഗിച്ച ഒരു കമ്മിറ്റി ഖത്തറിൽ ട്യൂഷൻ ഫീസ് വർദ്ധിപ്പിക്കാനുള്ള അഭ്യർത്ഥന വിദ്യാഭ്യാസ, ഉന്നത വിദ്യാഭ്യാസ മന്ത്രാലയത്തിന് ശുപാർശ ചെയ്തു. ഈ സ്കൂളുകളിലെ ട്യൂഷൻ ഫീസ് വർദ്ധനവിന്റെ നിരക്ക് ഒരു ശതമാനത്തിനും രണ്ട് ശതമാനത്തിനും ഇടയിലായിരിക്കുമെന്ന് മന്ത്രാലയത്തിലെ സ്വകാര്യ സ്കൂളുകൾ അസിസ്റ്റന്റ് അണ്ടർസെക്രട്ടറി ഒമർ അൽ-നാമ പറഞ്ഞു.
ചുരുങ്ങിയ എണ്ണം സ്വകാര്യ സ്കൂളുകൾ മാത്രമേ അവരുടെ ട്യൂഷൻ ഫീസ് വർദ്ധിപ്പിക്കുകയുള്ളൂ, സാമ്പത്തിക കമ്മി, സ്കൂൾ കെട്ടിടങ്ങൾ നിർമിക്കുന്നതിനോ പുതുക്കിപ്പണിയുന്നതിനോ ഉള്ള ചെലവുകൾ, പരിസരം മാറ്റുക അല്ലെങ്കിൽ വാടക മൂല്യത്തിൽ മാറ്റം വരുത്തുക തുടങ്ങിയ സാധുവായ കാരണങ്ങളാൽ വർദ്ധനവിന് അനുവാദമുണ്ട്.
പ്രതിവർഷം ഡസൻ കണക്കിന് സ്വകാര്യ സ്കൂളുകളിൽ നിന്ന് ഫീസ് വർദ്ധിപ്പിക്കാനുള്ള അഭ്യർത്ഥന മന്ത്രാലയത്തിന് ലഭിക്കുന്നുണ്ടെന്നും ശരിയായ വിലയിരുത്തലിനുശേഷം മാത്രമേ അതിനുള്ള അനുമതി ലഭിക്കൂവെന്നും നാമ ഓർമ്മിപ്പിച്ചു.
2021/2022 അധ്യയന വർഷത്തേക്കുള്ള തയ്യാറെടുപ്പിനെക്കുറിച്ച് സ്വകാര്യ സ്കൂളുകൾക്കും കിന്റർഗാർട്ടനുകൾക്കും മന്ത്രാലയം സർക്കുലർ പുറപ്പെടുവിച്ചിട്ടുണ്ടെന്നും നാമ പറഞ്ഞു. അടുത്ത അധ്യയന വർഷത്തിൽ എല്ലാ അക്കാദമിക് തലങ്ങളിലും വിദ്യാർത്ഥികളുടെ അറ്റൻഡൻസ് ഓഗസ്റ്റ് 24 ന് ആരംഭിക്കുമെന്ന് സർക്കുലറിൽ വ്യവസ്ഥ ചെയ്തിട്ടുണ്ട്.
— Qatar Tribune (@Qatar_Tribune) March 5, 2021