അൽ വാജ്ബ-3ൽ വോഖോഡ് പെട്രോൾ സ്റ്റേഷൻ ആരംഭിച്ചു
ഖത്തറിലെ എല്ലാ പ്രദേശങ്ങളിലും തങ്ങളുടെ സേവനങ്ങൾ ലഭ്യമാക്കാനുള്ള വോഖോഡിന്റെ വിപുലീകരണ പദ്ധതികളുടെ ഭാഗമായി, അവർ അൽ വാജ്ബ-3യിൽ പെട്രോൾ സ്റ്റേഷൻ തുറന്നു. ഇതോടെ വോഖോഡിന്റെ പെട്രോൾ സ്റ്റേഷനുകളുടെ ശൃംഖലയെ എണ്ണം106 ആയി ഉയർന്നു.
“അൽ വാജ്ബ -3ൽ ഒരു പുതിയ പെട്രോൾ സ്റ്റേഷൻ തുറക്കുന്നതിൽ ഞങ്ങൾക്ക് സന്തോഷമുണ്ട്. പെട്രോളിയം ഉൽ‌പന്നങ്ങളുടെ വർദ്ധിച്ചുവരുന്ന ആവശ്യം നിറവേറ്റുന്നതിനും രാജ്യത്ത് പെട്രോൾ സ്റ്റേഷൻ ശൃംഖല വിപുലീകരിക്കുന്നതിനും വോഖോഡ് ആഗ്രഹിക്കുന്നു. ഉപയോക്താക്കൾക്ക് അവർ ആഗ്രഹിക്കുന്നതു പോലെ മികച്ച നിലവാരത്തിലുള്ള ഉൽപ്പന്നങ്ങളും സേവനങ്ങളും നൽകുകയെന്നതാണ് ലക്ഷ്യം.” വോഖോഡ് മാനേജിംഗ് ഡയറക്ടറും സിഇഒയുമായ സാദ് റാഷിദ് അൽ മുഹന്നദി പറഞ്ഞു.
Woqod opens Al Wajba-3 petrol station#Qatar https://t.co/mRAXQO80Sd
— The Peninsula Qatar (@PeninsulaQatar) October 4, 2020
15,500 ചതുരശ്ര മീറ്റർ വിസ്തൃതിയുള്ള പുതിയ പെട്രോൾ സ്റ്റേഷനിൽ ലഘു വാഹനങ്ങൾക്കായി 9 ഡിസ്പെൻസറുകളുള്ള 3 ലേനുകളുണ്ട്. ഇത് അൽ വാജ്ബ -3 പ്രദേശത്തിനും സമീപ പ്രദേശങ്ങൾക്കും സേവനം നൽകും. പെട്രോൾ സ്റ്റേഷൻ താമസക്കാർക്ക് റൗണ്ട്-ദി-ക്ലോക്ക് സേവനങ്ങളും വാഗ്ദാനം ചെയ്യുന്നുണ്ട്. കൂടാതെ സിദ്ര കൺവീനിയൻസ് സ്റ്റോർ, ചെറിയ വാഹനങ്ങൾക്ക് മാനുവൽ കാർ വാഷ്, ഓയിൽ ചേഞ്ച്, ടയർ റിപ്പയർ എന്നിവയു ഷഫാഫ് എൽപിജി സിലിണ്ടറുകളുടെ വിൽപ്പനയും ഉൾപ്പെടുന്നു, കൂടാതെ ചെറിയ വാഹനങ്ങൾക്ക് ഗ്യാസോലിൻ, ഡീസൽ ഉൽപ്പന്നങ്ങളും ഇവിടെ ലഭ്യമാണ്.
